REAG/GARP 2.0

پرۆگرامی REAG/GARP 2.0 یارمەتیت دەدات بگەڕێیتەوە بۆ وڵاتی ڕەسەنت یان بەردەوام بیت لە کۆچکردن بۆ وڵاتێکی تر. ئەم بەرنامەیە پاڵپشتیت دەکات لە ڕێکخستنی سەفەرەکە و خەرجییەکانی پەیوەست بە تێکتی سەفەرەکە لە ئەستۆ دەگرێ. پشتگیری زیاتر بۆ تێکەڵ بونەوە بە کۆمەڵگادا بۆ زۆرێک لە وڵاتان لە ڕێگەی پرۆگرامی StarthilfePlus بەردەستە. لە پەڕەی وڵاتەکەت بۆت دەردەکەوێت کە ئایا دەتوانیت StarthilfePlus وەربگریت یان نا.

ڕێنماییەکان:
لە ڕێنمایی ڤیدیۆیی لە لاپەڕەی دەستپێکردن دەتوانیت بزانیت گەڕانەوەی خۆویستانە ڕەنگە بە چ شێوەیەک بێت.

چ پشتگیرییەک بەردەستە؟
مەسەلەی ئەوەی کە چەندە دەتوانیت یارمەتی وەربگریت، پەیوەستە بە ڕەگەزنامەت و هۆکارەکانی ترەوە.

دەتوانرێت بەم شێوەیە پشتگیریت بکرێت:

• بلیتی فڕۆکە یان پاس
• تێچووی سەفەر لە شوێنی نیشتەجێبوون بۆ فڕۆکەخانە یان تێرمیناڵی (پاس)
• پارە بۆ سەفەر (دەرماڵەی سەفەر): 200 یۆرۆ بۆ هەر کەسێک* (100 یۆرۆ بۆ هەر کەسێکی خوار تەمەنی 18 ساڵ)
• پشتیوانی پزیشکی: لە کاتی سەفەرەکەدا (بۆ نموونە خزمەتگوزاری ویلچەر، هاوڕێی پزیشکی) و لە وڵاتی مەبەست (تا 2.000 یۆرۆ بۆ ماوەی سێ مانگ دوای گەیشتن)
• پاڵپشتی دارایی یەکجارەکی: 1000 یۆرۆ بۆ هەر کەسێک (500 یۆرۆ بۆ هەر کەسێکی خوار تەمەنی 18 ساڵ، بۆ هەر خێزانێک زۆرترین بڕ 4000 یۆرۆ)

سەرنج: بڕە پارەیەکی تایبەت لە ئەگەری زوو ڕۆشتن
ئەگەر دوای ماوەیەکی کورت جارێکی تر بتەوێ ئەڵمانیا بەجێبهێڵیت، بە مەرجێکی دیاریکراو 500 یۆرۆ پاڵپشتی دارایی وەردەگریت (لانی زۆر تا 2 مانگ دوای دەرکردنی وەڵامی نەرێنی بۆ داواکاری پەنابەری). ئەم بڕە پارەیە بڕە پارەیەکی دیاریکراوە بەبێ گوێدانە ئەوەی کە تۆ بە تەنیا وڵات بەجێدەهێڵیت یان لەگەڵ خێزانەکەت. ئەم پشتگیرییە بەندە بە هۆکاری جێهێشتنی وڵاتەکەتەوە.

کێ دەتوانێ داواکاری بۆ REAG/GARP 2.0 پێشکەش بکات؟
ئەو کەسانەی کە لە دەرەوەی وڵاتەکانی یەکێتی ئەوڕوپادان،
- کەوا داواکاری پەنابەرییان پیشانداوە بەڵام هێشتا بەشێوەی یاسایی داواکاری دروستی پەنابەرییان پێشکەش نەکردووە،
- ئەوانەی کەوا لە ڕێکاری داواکاری پەنابەریدان،
- ئەوانەی کەوا داواکاری پەنابەرییان ڕەتکراوەتەوە و داوایان لێکراوە وڵاتەکە بەجێبهێڵن بەشێوەیەک کە بتوانرێ پشتڕاست بکرێتەوە، وە
- ئەو کەسانەی مافی پەنابەرییان هەیە یان مۆڵەتی لێخۆشبوونیان پێدراوە،
- ئەو کەسانەی داخڵی ئەڵمانیا بوونە بۆئەوەی بچنە لای کەسێکی شایستە وەکو بەشێکی بەیەکگەیشتنەوەی خێزان بەڵام خۆیان ناچنەوە سەر گروپێکی شایستەی ئەو کەسانەی کە دەتوانن REAG/GARP 2.0 وەربگرن،
- ئەو کەسانەی بەهۆکاری مامەڵەکردن بە مرۆڤ یان کاری لەشفرۆشی زۆرەملێ کاریگەربوونە/زەرەرمەند بوونە و دەتوانن داواکاری بۆ وەرگرتنی پاڵپشتی پێشکەش بکەن

ئەو کەسانەی کە یەک یان زیاتر لە یەک هاونیشتیمانیان هەیە لە وڵاتانی یەکێتی ئەوڕوپا (هاونیشتیمانیانی یەکێتی ئەوڕوپا) ناتوانن پاڵپشتی لە بەرنامەی REAG/GARP 2.0 وەربگرن لەحاڵەتی گەڕانەوەی خۆبەخشانە بۆ وڵاتێکی تری ئەندامی یەکێتی ئەوڕوپا یان وڵاتی سێیەم، تەنیا ئەگەر بووبێتنە قوربانی مامەڵەکردن بە مرۆڤ یان لەشفرۆشی زۆرەملێ و دەیانەوێت خۆبەخشانە بگەڕێنەوە بۆ وڵاتی ئەندامی یەکێتی ئەوڕوپای خۆیان.

تکایە ئاگاداربن: IOM حاڵەتەکانی ڕۆشتنی لە وڵاتەوە بۆ ئەفغانستان، سوریا، لیبیا، یەمەن یان بۆ ئۆکراین، بەهۆی دۆخی ئاڵۆزی ئەم وڵاتانە پشتگیری ناکات. گەڕانەوەی خۆویستانە بۆ ئێریتریا و سۆماڵ پێویستە کەیس بە کەیس پشکنینی بۆ بکرێت. هەر لەبەر ئەم هۆکارەش ڕەنگە پێداچوونەوەکە زیاتر بخایەنێت. بە خۆشحاڵیەوە لە هەر کاتێکدا ئامۆژگاریتان دەکەین لەو بارەیەوە.

پێشکەش کردنی داواکاری
پێش ئەوەی بڕیار لەسەر گەڕانەوەی خۆویستانەبدەیت، پێویستە ئامۆژگاری وەربگریت. هەر لەبەر ئەم هۆکارە تەنها لە ڕێگەی سەنتەری ڕاوێژکارییەوە دەتوانیت داوای REAG/GARP 2.0 بکەیت. ناوەندی ڕاوێژکاری سەربەخۆ و حکومی هەیە. ناوەندە سەربەخۆکانی ڕاوێژکاری، بۆ نموونە ڕێکخراو یان کۆمەڵەی خێرخوازی. ناوەندەکانی ڕاوێژکاری حکومی بوونیان هەیە، بۆ نموونە لە بەشی کاروباری کۆمەڵایەتی یان بەشی هاووڵاتیانی بیانی. لێرە سەنتەری ڕاوێژکاری بۆ گەڕانەوەی خۆویستانەلە نزیک خۆتەوە دەبینیتەوە.

بەڵگەنامە پێویستەکان
بۆ ئەوەی بتوانیت بە ئارەزووی خۆت وڵات بەجێبهێڵیت، پێویستە بەڵگەنامەیەکی کارای سەفەری هەبێت، بۆ نموونە پاسپۆرت یان بەڵگەنامەیەکی بەدیل. هەروەها هەندێک وڵات ڕێگە بە هاووڵاتیانی خۆیان دەدەن بە مۆڵەتی ترانزێتی یەکێتی ئەوروپا بچنە ناو وڵاتەکەیانەوە. تۆ مۆڵەتی ترانزێتی یەکێتی ئەوروپا لە ئۆفیسی هاووڵاتیانی بیانی خۆت وەردەگریت. پاسپۆرت یان بەڵگەنامەی گۆڕینی پاسپۆرت لە باڵیۆزخانە یان کونسوڵخانەی وڵاتی ڕەسەن وەردەگریت. بۆ بەردەوامبوون لە کۆچکردن دەتوانیت لە باڵیۆزخانەی وڵاتی مەبەستتەوە داوای ڤیزە بکەیت.

ئەگەر باڵیۆزخانە/کونسوڵخانەکەت پێویستی بە حجزکردنی فڕین هەبێت، IOM دەتوانێت بە خۆشحاڵیەوە پشتڕاستکردنەوەی حجزکردن دەربکات.

ئەگەر سەفەر دەکەیت بۆ وڵاتێکی تر جگە لە وڵاتە ڕەسەنەکەت، پێویستت بە بەڵگەنامەیەک هەیە کە شایستەی ئەوەت دەکات بۆ نیشتەجێبوونی هەمیشەیی لە وڵاتی مەبەست.

حاڵەتی پزیشکی
گەڕانەوە تەنانەت لە حاڵەتی نەخۆشی یان کەمئەندامیشدا دەتوانرێت ئەنجام بدرێت. لەم حاڵەتەدا ڕەنگە پرۆسەی جێهێشتنی وڵات زیاتر بخایەنێت. پەیوەستە بە نەخۆشییەکە و نیشانەکانی ئێستای نەخۆشییەکە و چاودێریکردن لە وڵاتی مەبەست. پێویستە پرسە پزیشکییەکان لە فۆڕمی داواکاریدا بنوسرێن.

سکپڕی
ئەگەر دووگیان بوویت، پێویستە کۆپی کارتی تەندروستی دایکان پێشکەش بکەێت. بەپێی هەفتەی دووگیانی و باری تەندروستی دەبێت لەلایەن پزیشکەوە بڕوانامەی پێبدرێت کە لە باری تەندروستیەوە تۆ دەتوانی بە فڕۆکە بفڕیت.

تکایە ئاگاداربن: هەموو بەڵگەنامەکانی بەرنامەکە لە بەشی چوونەژوورەوە هەڵدەگیرێن.