ZIRF-Counselling

Virtual Counselling

ڕاوێژکاریی مەجازی چییە؟

icon/ic-play
icon/ic-volume

ڕاوێژکاریی مەجازی خزمەتگوزارییەکی ڕاوێژکاریی مەجازی بۆ ئەو کۆچبەرانەیە کە لە ئەڵمانیا (Germany) دەژین و پێیان خۆشە بەشێوەی خۆبەخشانە بگەڕێنەوە بۆ وڵاتەکانی خۆیان. ڕاوێژکاری بەشێوەی ئۆنلاین بەڕێوە دەچێ و لەلایەن ڕاوێژکارەکانی گەڕانەوەی OAM بەڕێوە دەچێت. ڕاوێژکارەکانی OAM لە 19 وڵات جێگیرن. ئەوان لە هەر حاڵەتێکدا بە زمانەکانی ئەم وڵاتانەدا قسە دەکەن، زانیاریی پێشکەش دەکەن لەبارەی دۆخەکانی وڵاتەکانی خۆیان، و لەبارەی گەڕانەوەی خۆبەخشانە و پڕۆگڕامەکانی ئاوێتەبوونەوە ڕاوێژکاری پێشکەش دەکەن.

چۆن دەتواندرێ پەیوەندی بە ڕاوێژکارەکان لە تیمی ڕاوێژکاریی مەجازی بکردرێ؟

icon/ic-play
icon/ic-volume

دەتواندرێ لەڕێگەی کۆمەڵێک خزمەتگوزاریی پەیام ناردنی ئۆنلاین وەکوو واتساپ، ڤایبەر، فەیسبووک یان سکایپەوە پەیوەندیی بە ڕاوێژکارەکانەوە بگیرێ. وردەکارییەکانی پەیوەندیگرتن لەسەر لاپەڕە پەیوەندیدارەکانی وڵاتەکان دەست دەکەوێ.

ZIRF-Counselling

ڕاوێژکاریی ZIRF چییە؟

icon/ic-play
icon/ic-volume

پڕۆژەی ڕاوێژکاریی ZIRF خزمەتگوزارییەکی زانیارییە کە دوایین ڕێنماییەکان لەسەر وڵاتی دایکیی هەرتاکێک لەسەر بنەمای لێکۆڵینەوە لە ئاستی خۆجێی پێشکەش دەکات. ئامانجەکە بریتییە لە پێشکەشکردنی ناوەندەکانی ڕاوێژکاری لەگەڵ پشتیوانی لەرێگەی زانیاریی کۆچبەران لەسەر وڵاتە تایبەتەکان بۆ ئەو کەسانەی کە دەیانهەوێ بگەڕێنەوە. ئەمە بۆ ئاسانکاریی بڕیاڕی کەسەکان داندراوە بۆ ئەەوەی کە گەڕانەوەی خۆبەخشانە بژاردەیەکە.

ئەم پڕۆژەیە دەکەوێتە ژێر کۆمەڵەی ناوەندی زانیاریی گەڕانەوەی خۆبەخشانە (Zentralstelle für Informationsvermittlung zur Rückkehrförderung - ZIRF). ئەمەیش پڕۆژەیەکی دوو ئامانجەیە کە داواکارییە کەسییەکان و پەڕاوە ڕاستەقینەکان بۆ وڵاتە جۆراوجۆرەکان لەخۆ دەگرێتەوە.

داواکارییە تاکەکەسییەکانی ZIRF چین؟

icon/ic-play
icon/ic-volume

بەشێکی پڕۆژەی ڕاوێژکاریی ZIRF بریتییە لە خزمەتگوزاریی پەیوەست بە داواکارییە کەسییەکانی ZIRF. ئاژانسە ڕێگەپێدراوەکان لە ئەڵمانیا (Germany) دەرفەتی ناردنی داواکارییە کەسییەکانیان بۆ تیمی ڕاوێژکاریی ZIRF لەبارەی دۆخە ڕاستەقینەکان هەیە. ڕەنگە لەم بابەتانەی خوارەوە پرسیار بکردرێت: چاوەدێریی تەندروستی، بازاڕی کار، دۆخی خانووبەرە، پەروەردە، کێشە کۆمەڵایەتییەکان، شێوازە مومکینەکانی پشتیوانیی بە گروپە خەسارە هەڵگرەکان. پاشان لێکۆڵینەوەی پەیوەست لەلایەن ستافی IOM لە ئاستە خۆجێیەکان ئەنجام دەدرێ. هەروەها دەشتواندرێت هەڵسەنگاندنێکی خێزانی بۆ منداڵە تەنیاکان کە خێزانەکانیان لەگەڵدا نییە ئەنجام بدرێت.

کێ دەتوانێ داوایەکی ZIRF بنێرێ؟

icon/ic-play
icon/ic-volume

داواکارییەک تەنیا دەتواندرێ لەڕێگیە ناوەندێکی ڕێگەپێدراوی ڕاوێژکاریی گەڕانەوە بۆ داواکاریی ZIRF بنێردرێ. مافی پێشکەشکردنی داواکاریی لەلایەن ویلایەتە فیدیڕالەکانەوە دراوە، بە شێوەیەک کە بە گونجاوی دەزانن. زانیاریی لەبارەی ئەوەی کە ئاخۆ ناوەندێک ڕێگەپێدراوە داواکارییەکی پێشکەش بکات دەتواندرێ لە ڕێنمایی بڵاوکراوە لەسەر پۆرتاڵی ناوەندە پەیوەندیدارەکانی ڕاوێژکاری دەست بکەوێ.

چۆن داواکارییەکی ZIRF پێشکەش بکەم؟

icon/ic-play
icon/ic-volume

داواکارییەکی ZIRF دەتوانێ لە میانەی یەکەی داواکاریی ئۆنلاین (OAM) بنێردرێ لەڕێگەی ئەو بەشانەی کە پەیوەندییان بە ڕێگەپێدانی ZIRF پەیوەستەوە هەیە. ڕێنماییە دروستەکان بۆ ناردنی داواکارییەک دەتواندرێ لە وانەکان لەسەر لاپەڕەی ڕاوێژکاریی ZIRF بدۆزرێتەوە. ئەمانە بە زمانی ئەڵمانی لەبەردەست دان.

لە کوێ دەتوانم ئەو داواکارییانە بدۆزمەوە کە لە پێشترەوە وەڵام دراونەوە؟

icon/ic-play
icon/ic-volume

داواکارییە کەسییەکان کە وەڵام دراونەوە بە نەناسراوی لە بنکەی دێیتای ZIRF ڕادەگیرێن و دەتواندرێن لەوێ ببیندرێن. بنکەکانی دێیتای ZIRF دەتواندرێن لە ژێرەوەت لاپەڕەی "ڕاوێژکاریی ZIRF "دا بدۆزرێنەوە.

هەڵسەنگاندنی خێزانی چییە؟

icon/ic-play
icon/ic-volume

IOM هەڵسەنگاندنێکی خێزانی پێشکەش دەکات ئەگەر ئەو منداڵە تەنیایانەی کە خێزانیان لەگەڵدا نییە بیانهەوێ بەشێوەی خۆبەخشانە بگەڕێنەوە. IOM پەیوەندی بە خزمەکانەوە دەگرێ لە وڵاتی پەیوەندیدار و لەوێ سەردانیان دەکات. ئامانجی ئەمە بریتییە لە پشتڕاستکردنەوەی خۆشبژێویی منداڵەکە و دڵنیابوونەوە لە گەیشتنی باشترین بەرژەوەندییەکان پێی. ئامانجێکی دیکە بریتییە لە یارمەتیدانی سەرپەرشتیاریی یاسایی بۆ بڕیاڕدان لەسەر ئەگەری گەڕاندنەوەی خۆبەخشانەی منداڵەکە.

زانیارییەکان لەکاتی هەڵسەنگاندنی خێزانیدا ، بە تەرکیزکردنە سەر دۆخی ئابووری کۆمەڵایەتی، تێچوویەکانی ژیان، و قەبارە و دۆخ و داینەمۆی خێزانەکە لە وڵاتی دایکیی کەسەکەدا کۆ دەکرێنەوە. هۆکارەکانی گرینگەکانی دیکەی وەکوو دەستپێراگەیشتن بە پەروەردە و چاوەدێریی تەندروستی و هەروەها ویستی سەرپەرشتیاریی یاسایی لە وڵاتی دایکی کە منداڵەکەی بۆی دەگەڕێتەوە لەبەرچاو دەگیرێن. هەروەها هەندێک پشکنین بۆ پشتڕاستکردنەوەی سەرپەرشتیاریی یاسایی منداڵەکە لە وڵاتی دایکی ئەنجام دەدرێن.

زانیاری زیاتر لەبارەی هەڵسەنگاندنی خێزانیی لە لاپەڕەی "ڕاوێژکاریی ZIRF " دەست دەکەوێ.

بۆ داواکاریی هەڵسەنگاندنی خێزانی چ بەڵگەنامەیەکی دیکە پێویستە؟

پێس ئەوەی بتواندرێ داواکارییەک بکرێ، زانیاریی لەبارەی منداڵەکە و بارودۆخی خێزانییەکەی لە وڵاتی دایکی دەبێ وەدەست بهێندرێ لە ناوەندی ڕاوێژکاریی پەیوەندیدار. بەتایبەتیش ئەوە گرینگە کە ئاگاداریی هۆکارە مەترسیدارەکان بی و لە دۆخی ئاسایی بگەڕێی. ئەمەیش رەنگە وەک نموونە هاوسەرگیری زۆرەملێ و قاچاغی مرۆڤ بگرێتەوە، بەڵام هەندێک حاڵەتیش هەیە کە تێیدا باوانەکان لە FRG دەمێننەوە و کۆچبەرە گەڕاوەکانیش بەتایبەتی گەنجن. بەڵگەنامە پێویستەکانی دیکە بریتین لە فۆڕمی داواکاری و ئەو پەڕاوانەی کە شوناسی منداڵەکە، سەرپەرشتیاری یاسایی لە ئەڵمانیا، و ئەو کەسەی کە چاوەدێریی منداڵەکە لە وڵاتی دایک دەکات پێشان دەدەن و دەیسەلمێنن. گرینگە کە ناونیشان، ژمارە تەلەفۆن و، ئەگەر دەکرێ، ناونیشانی ئیمەیلی کەسەکە لە وڵاتی دایکی پێشکەش بکرێ بۆ ئەوەی بتوانن پەیوەندییان پێوە بکەن.

پەڕاوە ڕاستییەکانی وڵات چین؟

icon/ic-play
icon/ic-volume

پەڕاوە ڕاستییەکانی وڵات زانیاریی لەسەر بابەتەکانی خوارەوە لەپەیوەندیی لەگەڵ ئەو کەسانەی دەگەڕێنەوە لەخۆ دەگرێ: چاوەدێریی تەندروستی، بازاڕی کار، خانووبەرە، خزمەتگوزارییە کۆمەڵایەتییەکان، پەروەردە، ئاسانکارییەکانی پشتیوانیی تایبەت، و منداڵان لە ڕەوتی گەڕانەوەدا. هەروەها پێشیان دەکوترێ CFS. ئەم کورتکراوەیە بۆ پەڕاوە ڕاستییەکانی وڵاتە. ئەمانە لە لاپەڕەکانی وڵاتی کەسەکە دەدۆزرێنەوە.